ଭୁବନେଶ୍ୱର: (ଏସ. ନ୍ୟୁଜ୍): କେମିତି ରହିବ ସିବିଏସଇ ଦ୍ୱାଦଶ ପରୀକ୍ଷା ଫଳର ମୂଲ୍ୟାୟନ ପଦ୍ଧତିର ରୂପରେଖ। ଏନେଇ ସିବିଏସଇ ଚୟନ କମିଟିରେ ୩୦-୩୦-୪୦ ଫର୍ମୁଲାରେ ଫଳ ପ୍ରକାଶ କରିବାକୁ ସହମତି ପ୍ରକାଶ ପାଇଛି। ଦଶମ ଓ ଏକାଦଶର ଫଳ ଏବଂ ଦ୍ୱାଦଶ ପ୍ରିବୋର୍ଡ ଫଳର ଅନୁଧ୍ୟାନ ହେବ। ସିବିଏସଇର ଚୟନ କମିଟିର ୧୩ ଜଣ ସଦସ୍ୟ ୩୦-୩୦-୪୦ ଫର୍ମୁଲାକୁ ସମର୍ଥନ କରିଛନ୍ତି। ଖୁବ୍ଶୀଘ୍ର ସୁପ୍ରିମକୋର୍ଟରେ ରିପୋର୍ଟ ଦାଖଲ କରିବ ସିବିଏସଇ।
ଦଶମ ଦ୍ୱାଦଶ ମାର୍କକୁ ୩୦ ପ୍ରତିଶତ ଲେଖାଏଁ ପ୍ରାଧାନ୍ୟ ଦିଆଯିବ। ଏକାଦଶରେ ୪୦ ପ୍ରତିଶତକୁ ପ୍ରଧାନ୍ୟ ଦିଆଯିବ। କରୋନା ପାଇଁ ସିବିଏସଇର ଦଶମ ଓ ଦ୍ୱାଦଶ ପରୀକ୍ଷାକୁ ସ୍ଥଗିତ କରାଯାଇଥିଲା। ଏନେଇ ସୁପ୍ରିମକୋର୍ଟଙ୍କୁ ଅଭିଭାବକ ସଂଘ ଆବେଦନ କରିଥିଲେ। ତେବେ କେମିତି ମୁଲ୍ୟାୟନ ହେବ ସେନେଇ ସିବିଏସଇକୁ ରିପୋର୍ଟ ଦାଖଲ କରିବା ପାଇଁ କୁହାଯାଇଥିଲା। ଯେଉଁ ସ୍କୁଲ ମାନଙ୍କରେ ଦ୍ୱାଦଶ ପ୍ରିବୋର୍ଡ ପରୀକ୍ଷା ଅନୁଷ୍ଠିତ ହୋଇପାରିନାହିଁ। ସେମାନେ ଅନ୍ଲାଇନ୍ରେ ଛାତ୍ରଛାତ୍ରୀଙ୍କର ଟେଷ୍ଟ କରାଇବେ। ଏହାର ଫଳ ଜୁନ୍ ୨୮ ସୁଧା ଦାଖଲ କରିବା ପାଇଁ କୁହାଯାଇଛି।
