୪ ବର୍ଷର ସ୍ନାତକ ହାସଲ କରିଥିବା ଶିକ୍ଷାର୍ଥୀମାନେ ଏବେ ସିଧାସଳଖ ପିଏଚଡି କରିପାରିବେ। ଯଦି ତାଙ୍କ ପାଖରେ ୭୫% ଏଗ୍ରିଗେଟ୍ ମାର୍କ ଥିବ। ରବିବାର ଦିନ, ୟୁଜିସିର ନିୟମରେ ବଡ଼ ପରିବର୍ତ୍ତନ ଆଣିବାବେଳେ ୟୁଜିସି ଅଧ୍ୟକ୍ଷ ଜଗଦେଶ କୁମାର ଏହି ଘୋଷଣା କରିଛନ୍ତି। ସେ କହିଛନ୍ତି ଯେ ୪ ବର୍ଷର ସ୍ନାତକ ହାସଲ କରିଥିବା ଶିକ୍ଷାର୍ଥୀମାନେ ବର୍ତ୍ତମାନ ସିଧାସଳଖ ଜାତୀୟ ଯୋଗ୍ୟତା ପରୀକ୍ଷା (NET) ଦେଇପାରିବେ।
ୟୁଜିସି ମୁଖ୍ୟ କହିଛନ୍ତି ଯେ ୪ ବର୍ଷର ସ୍ନାତକୋତ୍ତର ଡିଗ୍ରୀ ହାସଲ କରିଥିବା ଛାତ୍ରମାନେ ସ୍ନାତକ ପାଠ୍ୟକ୍ରମର ଯେକୌଣସି ବିଷୟ ଉପରେ ପିଏଚଡି କରିପାରିବେ।
ସେ କହିଛନ୍ତି ଯେ ୟୁଜିସିର ନିଷ୍ପତ୍ତି ଅନୁଯାୟୀ ଏସ୍ସି, ଏସଟି, ଓବିସି, ଭିନ୍ନକ୍ଷମ, ଅର୍ଥନୈତିକ ଅନଗ୍ରଦର ବର୍ଗ ଏବଂ ଅନ୍ୟାନ୍ୟ ବର୍ଗର ପ୍ରାର୍ଥୀଙ୍କ ପାଇଁ ପାଞ୍ଚ ପ୍ରତିଶତ ମାର୍କ କିମ୍ବା ଏହାର ସମକକ୍ଷ ଗ୍ରେଡ୍ର ଆଶ୍ବସ୍ତି ଦିଆଯିବ। ବର୍ତ୍ତମାନ ପର୍ଯ୍ୟନ୍ତ ପିଏଚ୍ଡି କାର୍ଯ୍ୟକ୍ରମରେ ଯୋଗଦେବା ପାଇଁ ମାଷ୍ଟର ଡିଗ୍ରୀ ବାଧ୍ୟତାମୂଳକ ଥିଲା, କିନ୍ତୁ ବର୍ତ୍ତମାନ ଚାରି ବର୍ଷ କିମ୍ବା ଆଠ ସେମିଷ୍ଟାର ଡିଗ୍ରୀ ପ୍ରୋଗ୍ରାମରେ ସର୍ବନିମ୍ନ ୭୫% ମାର୍କ କିମ୍ବା ଏହାର ସମାନ ଗ୍ରେଡ୍ ସହିତ ଶିକ୍ଷାର୍ଥୀମାନେ ପିଏଚ୍ଡି କାର୍ଯ୍ୟକ୍ରମରେ ଯୋଗଦେବାକୁ ଯୋଗ୍ୟ ହେବେ। ଏହା ବ୍ୟତୀତ, ଯେଉଁ ଶିକ୍ଷାର୍ଥୀମାନେ ଚାରି ବର୍ଷ ଡିଗ୍ରୀ ପରେ ଏକ ବର୍ଷ କିମ୍ବା ଦୁଇ ସେମିଷ୍ଟାର ବିଶିଷ୍ଟ ମାଷ୍ଟର ଡିଗ୍ରୀ ଶେଷ କରିଥିବେ, ସେମାନେ ମଧ୍ୟ ପିଏଚ୍ଡି କରିପାରିବେ।
ୟୁଜିସି ପ୍ରବେଶିକା ପରୀକ୍ଷା ପାଇଁ ନିୟମର ପରିସରକୁ ମଧ୍ୟ ବିସ୍ତାର କରିଛି ଯାହା ମାଧ୍ୟମରେ ଶିକ୍ଷାର୍ଥୀମାନେ ପିଏଚଡିରେ ଆଡମିଶନ କରିପାରିବେ। ବର୍ତ୍ତମାନ UGC-NET କିମ୍ବା UGC କିମ୍ବା CSIR NET କିମ୍ବା GATE କିମ୍ବା CEED ଏବଂ ସମାନ ଜାତୀୟ ସ୍ତରୀୟ ପରୀକ୍ଷାରେ ଫେଲୋସିପ୍ କିମ୍ବା ଛାତ୍ରବୃତ୍ତି ପାଇଁ ଯୋଗ୍ୟତା ହାସଲ କରିଥିବା ଶିକ୍ଷାର୍ଥୀମାନଙ୍କୁ ଏହି ସୁଯୋଗ ମିଳିପାରିବ। ଏଚ୍ଇଆଇ ଦ୍ବାରା ପରିଚାଳିତ ଏକ ସାକ୍ଷାତକାର କିମ୍ବା ପ୍ରବେଶିକା ପରୀକ୍ଷା ଉପରେ ଆଧାର କରି, ଏଣ୍ଟ୍ରାନ୍ସକୁ ୭୦% ଏବଂ ସାକ୍ଷାତକାର ବା ଭାଇବା ଭୋସ୍ ପାଇଁ ୩୦% ରଖାଯାଇଛି।
ଏହାପୂର୍ବରୁ, ୟୁଜିସି ପିଏଚଡି ପ୍ରୋଗ୍ରାମରେ ଏକ ପ୍ରମୁଖ ସଂସ୍କାର ଆଣିଛି ଏବଂ ବିଶ୍ୱବିଦ୍ୟାଳୟ ଅନୁଦାନ ଆୟୋଗ ଥେସିସ୍ ଦାଖଲ ପୂର୍ବରୁ ରିସର୍ଚ୍ଚ ପେପର ପବ୍ଳିସ୍ ବନ୍ଦ କରିଦେଇଛି। ଏକ ଅଧ୍ୟୟନରେ ଶୀର୍ଷ ମାନ୍ୟତା କେନ୍ଦ୍ରଗୁଡିକର ୨୫୭୩ ରିସର୍ଚ୍ଚରଙ୍କୁ ଆୟୋଗରେ ଅନ୍ତର୍ଭୁକ୍ତ କରାଯାଇଥିଲା। କଲିକତା ବିଶ୍ୱବିଦ୍ୟାଳୟ (ସିୟୁ) ଏବଂ ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି (ଆଇଆଇଟି) ଜାଣିବାକୁ ପାଇଲେ ଯେ ପେପର୍ ପବ୍ଳିସ୍ ଯୋଗୁ ସିୟୁର ପ୍ରାୟ ୭୫% ରିସର୍ଚ୍ଚ ପେପର ସମିଟ୍ କରାଯାଇପାରିନାହିଁ । ଅନ୍ୟପକ୍ଷରେ, ଆଇଆଇଟିରେ ଗବେଷଣା ମାମଲାରେ ଅନ୍ୟାନ୍ୟ ତଥ୍ୟ ପ୍ରକାଶ ପାଇଛି, ଯେଉଁଠାରେ ଅଧିକାଂଶ ରିସର୍ଚ୍ଚ ପେପର ପ୍ରକାଶିତ ହୋଇଛି। ୟୁଜିସି କହିଛି ଯେ ନିୟମରେ ଆଉ ଏକ ବଡ଼ ପରିବର୍ତ୍ତନ କରାଯାଇଛି। ଏହା ଅଧୀନରେ ସ୍ନାତକ ଛାତ୍ରମାନଙ୍କୁ ଚାରି ବର୍ଷ ଡିଗ୍ରୀ ପରେ ପିଏଚଡି କାର୍ଯ୍ୟକ୍ରମରେ ଯୋଗଦେବାକୁ ଅନୁମତି ଦିଆଯାଇଛି।
