ଭୁବନେଶ୍ୱର,(ଏସ୍.ନ୍ୟୁଜ): ୨୦୨୧ର ଅନ୍ତିମ ସୂର୍ଯ୍ୟ ପରାଗ ଶନିବାର ଲାଗିବ । ଏହା ଏକ ପୂର୍ଣ୍ଣ ସୂର୍ଯ୍ୟ ପରାଗ । ତେବେ, ଏହି ସୂର୍ଯ୍ୟ ପରାଗ ଭାରତରେ ଦେଖାଯିବ ନାହିଁ । ଦକ୍ଷିଣ ଆମେରିକା ସମେତ ଅଷ୍ଟ୍ରେଲିଆ, ଦକ୍ଷିଣ ଆଫ୍ରିକା ଓ ଦକ୍ଷିଣ ଆଟଲାଂଟିକ ଦେଶରେ ଦୃଶ୍ୟମାନ ହେବ । ଜ୍ୟୋତିଷଙ୍କ ଅନୁସାରେ, ସୂର୍ଯ୍ୟ ପରାଗ ଭାରତରେ ଦେଖାଯିବ ନାହିଁ । ତେଣୁ, ଏହା ସମ୍ବନ୍ଧୀୟ ବିଧି ପାଳନ କରାଯିବ ନାହିଁ ।
ଆଂଶିକ ସୂର୍ଯ୍ୟ ପରାଗ ଭାରତୀୟ ସମୟ ଦିନ ୧୦ଟା ୫୯ରୁ ଆରମ୍ଭ ହେବ । ପୂର୍ଣ୍ଣ ସୂର୍ଯ୍ୟ ପରାଗ ଦ୍ୱିପ୍ରହର ୧୨ଟା ୩୦ରୁ ଆରମ୍ଭ ହୋଇ ଦିନ ୧ଟା ୩ରେ ଆହୁରି ଅଧିକ ପ୍ରଭାବୀ ହେବ । ପୂର୍ଣ୍ଣ ସୂର୍ଯ୍ୟ ପରାଗ ଦିନ ୧ଟା ୩୩ରେ ସରିବ । ସେହିଭଳି ଆଂଶିକ ସୂର୍ଯ୍ୟ ପରାଗ ଦ୍ୱିପ୍ରହର ୩ଟା ୭ରେ ସରିବ ।
ସାଧାରଣତଃ ସୂର୍ଯ୍ୟ ପରାଗକୁ ଭଲ କୁହାଯାଏ ନାହିଁ । ଏହା ଅଶୁଭ ଫଳ ଦିଏ ବୋଲି କୁହାଯାଏ । ଏଥରକ ସୂର୍ଯ୍ୟ ପରାଗ କଛି ରାଶି ପାଇଁ ଆଣିଛି ଶୁଭ ଫଳ । ଏହି ପୂର୍ଣ୍ଣ ସୂର୍ଯ୍ୟ ପରାଗରେ ମିଥୁନ ରାଶି, କନ୍ୟା ରାଶି, ମକର ରାଶି ଓ କୁମ୍ଭ ରାଶି ଜାତକର ଲୋକଙ୍କୁ ଶୁଭ ଫଳ ମିଳିପାରେ ।
ଶନିବାର ଲାଗିବାକୁ ଥିବା ସୂର୍ଯ୍ୟ ପରାଗ ବିଛା ରାଶି ଓ ଜ୍ୟେଷ୍ଠା ନକ୍ଷତ୍ରର ଆକାର ନେବ । ବିଛା ରାଶି ମଙ୍ଗଳର ଆଧିପତ୍ୟ ରାଶି । ଯେତେବେଳେ କି ଜ୍ୟେଷ୍ଠା ନକ୍ଷତ୍ରର ସ୍ୱାମୀ ବୁଧ ଦେବ । ବିଛା ରାଶି ଅଥବା ଜ୍ୟେଷ୍ଠା ନକ୍ଷତ୍ରରେ ଜନ୍ମ ହୋଇଥିବା ବ୍ୟକ୍ତି ବିଶେଷଙ୍କ ଉପରେ ପରାଗର ପ୍ରଭାବ ପଡ଼ିପାରେ ।
