ଦଶମ ଶ୍ରେଣୀ ଛାତ୍ରଛାତ୍ରୀମାନଙ୍କ ପାଇଁ ସମ୍ମେଟିଭ୍‌ ଆସେସମେଣ୍ଟ ପରୀକ୍ଷା ଆରମ୍ଭ

ଭୁବନେଶ୍ୱର,(ଏସ୍‌.ନ୍ୟୁଜ): ଦଶମ ବୋର୍ଡ ପରୀକ୍ଷାର ବିକଳ୍ପ ସ୍ୱରୂପ ଆଜିଠୁଦଶମ ଶ୍ରେଣୀ ପିଲାଙ୍କପାଇଁ ସମ୍ମେଟିଭ ସେସମେଣ୍ଟ ପରୀକ୍ଷା ଆରମ୍ଭ ହୋଇଛି । ଓଏମଆର ସିଟ୍‌ରେ ୬ଟି ବିଷୟରେ ପରୀକ୍ଷା ହେବ । ଦିନ ୧୦ରୁ ପରୀକ୍ଷା ଆରମ୍ଭ ହେବାକୁ ଥିବାବେଳେ ୯ଟାରୁ କେନ୍ଦ୍ର ଭିତରକୁ କୋଭିଡ କଟକଣାରେ ଯାଞ୍ଚ ପରେ ପିଲାଙ୍କୁ ଛଡ଼ାଯିବ । ୫୦ ମାର୍କ ବିଶିଷ୍ଟ ଓଏମଆର ସିଟରେ ପରୀକ୍ଷା ଦେବେ ଛାତ୍ରଛାତ୍ରୀ । ପ୍ରତି ବିଷୟ ପାଇଁ ମିଳିବ ୧ ଘଣ୍ଟା ସମୟ ।

କେବଳ ଗଣିତ ପାଇଁ ଦିଆଯିବ ୧୫ ମିନିଟର ଅଧିକ ସମୟ । ଦିନକୁ ଦୁଇଟି ସିଫ୍ଟରେ ପରୀକ୍ଷା ହେବ । ଭୁବନେଶ୍ୱର ୩ଟି ନୋଡାଲ ସେଣ୍ଟରର ଷ୍ଟ୍ରଙ୍ଗରୁମରେ ସୁରକ୍ଷା ବଳରେ ରହିଛି ପ୍ରଶ୍ନପତ୍ର । ରାଜ୍ୟରେ କରୋନା ସଂକ୍ରମଣ ବଢିବାରେ ଲାଗିଛି । ଏଭଳି ସ୍ଥିତିରେ ଆଗକୁ ମାର୍ଚ୍ଚ ମାସରେ ବୋର୍ଡ଼ ପରୀକ୍ଷା ହେବ କି ନାହିଁ ତାକୁ ନେଇ ଦ୍ୱନ୍ଦ୍ୱରେ ଛାତ୍ରଛାତ୍ରୀ ଓ ଶିକ୍ଷକ । ଏଣୁ ସମେଟିଭ ଆସେସମେଣ୍ଟ ପରୀକ୍ଷା ସମସ୍ତ ଛାତ୍ରଛାତ୍ରୀ ନିଶ୍ଚିତ ଦେବାକୁ ସ୍କୁଲ ପକ୍ଷରୁ କୁହାଯାଇଛି । ତେବେ କରୋନା କାରଣରୁ ବାର୍ଷିକ ପରୀକ୍ଷା ହୋଇନପାରିଲେ ଏହି ସମ୍ମେଟିଭ୍‌ ଆସେସମେଣ୍ଟ ପରୀକ୍ଷା ଫଳ ଆଧାରରେ ମୂଲ୍ୟାୟନ କରାଯିବ ।

Leave A Reply

Your email address will not be published.