ଓଡ଼ିଶା ହାଇକୋର୍ଟଙ୍କ ଐତିହାସିକ ନିଷ୍ପତ୍ତି: ମାଇଁ ଲର୍ଡ ପରିବର୍ତ୍ତେ ସାର କିମ୍ବା ଅନରେବୁଲ୍‌ କୋର୍ଟ ବୋଲି ସମ୍ବୋଧନ କରିବା ପାଇଁ ମୁଖ୍ୟ ବିଚାରପତି ପରାମର୍ଶ

କଟକ,(ଏସ୍‌.ନ୍ୟୁଜ): ବିଚାର ବିଭାଗୀୟ ଭାଷା କୋଡରେ ପରିବର୍ତ୍ତନ ହୋଇଛି । କୋର୍ଟରେ ବିଚାର ଚାଲିଥିବା ବେଳେ ଆଇନଜୀବୀ ମାନେ ଜଜଙ୍କୁ ମାଇଁଲର୍ଡ ବୋଲି ସମ୍ବୋଧନ କରିଥାନ୍ତି । ମାତ୍ର ଏବେ ଆଉ କୋର୍ଟରେ ଶୁଣିବାକୁ ମିଳିବନି ମାଇଁ ଲର୍ଡ ଉଚ୍ଚାରଣ । ମାଇଁ ଲର୍ଡ ବଦଳରେ ଏଣିକି ଶୁଣିବାକୁ ମିଳିବ ସାର୍‌ । ଓଡ଼ିଶା ହାଇକୋର୍ଟ ମୁଖ୍ୟ ବିଚାରପତି ନେଇଛନ୍ତି ଏମିତି ଐତିହାସିକ ନିଷ୍ପତ୍ତି । କୋର୍ଟ ରୁମରେ ଆଉ ଚଳିବନି ମାଇଁ ଲଡ୍‌ ସମ୍ବୋଧନ ।

ଏବେ ଜଜଙ୍କୁ ଆଇନଜୀବୀ ସାର୍‌ ଭାବେ ସମ୍ବୋଧନ କରିବେ । କୋର୍ଟରେ ମାମଲା ପରିଚାଳନା ସମୟରେ ମାଇଁ ଲର୍ଡ ପରିବର୍ତ୍ତେ ସାର କିମ୍ବା ଅନରେବୁଲ୍‌ କୋର୍ଟ ବୋଲି ସମ୍ବୋଧନ କରିବା ପାଇଁ ମୁଖ୍ୟ ବିଚାରପତି ପରାମର୍ଶ ଦେଇଛନ୍ତି । ୨୦୧୬ରେ ବାର କାଉନସିଲ ଅଫ ଇଣ୍ଡିଆ ଏନେଇ ଏକ ପ୍ରସ୍ତାବ ଆଣିଥିଲା । ମୁଖ୍ୟ ବିଚାରପତିଙ୍କ ନିଷ୍ପତ୍ତିକୁ ବରିଷ୍ଠ ଆଇନଜୀବୀ ମନୋଜ ମିଶ୍ର ଏବଂ ଅନ୍ୟମାନେ ସ୍ୱାଗତ କରିଛନ୍ତି ।

Leave A Reply

Your email address will not be published.