ଭୁବନେଶ୍ୱର ପ୍ରେମିକକୁ ବାହା ହେଲେ ଉତ୍ତରପ୍ରଦେଶ ଯୁବତୀ

ଭୁବନେଶ୍ୱର: (ଏସ. ନ୍ୟୁଜ୍‌): ଉତ୍ତରପ୍ରଦେଶର କନ୍ୟାକୁ ଭୁବନେଶ୍ୱର ବର । ବିବାହକୁ ନେଇ ଆପତ୍ତି ଉଠାଇଛନ୍ତି ଝିଅ ଘର ଲୋକେ । ଏଣୁ ଭୁବନେଶ୍ୱରେ ଆସି ପହଞ୍ଚିଛି ଉତ୍ତରପ୍ରଦେଶ ପୋଲିସ । ଆଉ ଏହା ପରେ କୋର୍ଟରେ ପହଞ୍ଚିଛି ମାମଲା । ୧୬୪ ଧାରାରେ ଭୁବନେଶ୍ୱର ସିଜେଏମ୍ କୋର୍ଟରେ ରେକର୍ଡ ହୋଇଛି ବୟାନ । ଯୁବତୀ ଜଣଙ୍କ ଉତ୍ତରପ୍ରଦେଶ ଗୋରଖପୁରରୁ ଗତ କିଛିଦିନ ତଳେ ଘରୁ ପଳେଇ ଆସି ଭୁବନେଶ୍ୱରରେ ଯୁବକଙ୍କୁ ବିବାହ କରିଥିଲେ । ଆସିଲା ବେଳେ ଏକ ଚିଠି ମଧ୍ୟ ଲେଖି ଆସିଥିଲେ । କିନ୍ତୁ ଝିଅର ପରିବାର ଲୋକେ ଅପହରଣ ନେଇ ଥାନାରେ ଅଭିଯୋଗ କରିଥିଲେ । ଏଣୁ ଘଟଣାରେ ଉତ୍ତର ପ୍ରଦେଶ ପୋଲିସ ହସ୍ତକ୍ଷେପ କରିଛି । ଏବଂ ଯୁବତୀଙ୍କ ୧୬୪ରେ ବୟାନ ରେକର୍ଡ ହୋଇଛି ।

Leave A Reply

Your email address will not be published.