ଭୁବନେଶ୍ୱର: (ଏସ. ନ୍ୟୁଜ୍): ବାଲେଶ୍ୱର ବାହାନଗାରେ ଲଜ୍ଜା। ଜଣେ ୭୦ ବର୍ଷୀୟା ବୃଦ୍ଧାଙ୍କୁ ଦୁଷ୍କର୍ମ ଉଦ୍ୟମ ହୋଇଥିବା ଅଭିଯାଗ ଆସିଛି। କେବଳ ଏତିକି ନୁହେଁ ପ୍ରତିରୋଧ କରିବାରୁ ଦୁବୃର୍ତ୍ତ ବୃଦ୍ଧାଙ୍କୁ ମାରଣାସ୍ତ୍ରରେ ଆକ୍ରମଣ କରିଥିବା ମଧ୍ୟ ଅଭିଯୋଗ ହୋଇଛି।ଏଭଳି ସାଙ୍ଘାତିକ ଘଟଣା ଘଟିଛି ଜିଲ୍ଲାର ଆରୁହାବାଡ଼ ବଡ଼ମାଝୀସାହିରେ।
ଆକ୍ରମଣ ଫଳରେ ବୃଦ୍ଧାଙ୍କ ମୁଣ୍ଡରେ ଗୁରୁତ୍ତର ଆଘାତ ଲାଗିଛି। ଗୁରୁତର ଭାବେ ସେ ମେଡିକାଲରେ ଭର୍ତ୍ତି ହୋଇଛନ୍ତି। ସୂଚନା ମୁତାକ ଘରେ ଏକୁଟିଆ ରହୁଥିବାର ସୁଯୋଗ ନେଇ ଯୁବକ ଜଣକ ଖଟ ତଳେ ଲୁଚି ରହିଥିଲା । ହଠାତ୍ ଯୁବକ ବୃଦ୍ଧାଙ୍କୁ ଦୁଷ୍କର୍ମ କରିବାକୁ ଉଦ୍ୟମ କରିଥିଲେ । ପ୍ରତିରୋଧ କରିବାରୁ ଯୁବକ ଜଣଙ୍କ ତାଙ୍କୁ ଏକ ମାରଣାସ୍ତ୍ରରେ ମୁଣ୍ଡକୁ ଆକ୍ରମଣ କରିଥିଲା। ବର୍ତମାନ ବୃଦ୍ଧାଙ୍କ ସ୍ୱାସ୍ଥ୍ୟବସ୍ଥା ଗୁରୁତର ଥିବା ବେଳେ ଘଟଣାସ୍ଥଳରେ ଗୋପାଳପୁର ଫାଣ୍ଡି ପୁଲିସ ପହଂଚି ଜଣେ ଯୁବକକୁ ଅଟକ ରଖିବା ସହ ଘଟଣାର ତଦନ୍ତ ଆରମ୍ଭ କରିଛି।
