ଭୁବନେଶ୍ୱର: (ଏସ. ନ୍ୟୁଜ୍): ଗଞ୍ଜାମର ଭଞ୍ଜନଗର ନିର୍ବାଚନମଣ୍ଡଳୀର ପୂର୍ବତନ ବିଧାୟକ ଉମାକାନ୍ତ ମିଶ୍ରଙ୍କ ମଙ୍ଗଳବାର ଦିନ ଦେହାନ୍ତ ହୋଇଛି । ମୃତ୍ୟୁ ବେଳକୁ ତାଙ୍କୁ ୮୧ ବର୍ଷ ବୟସ ହୋଇଥିଲା ।
ସୂଚନା ଅନୁଯାୟୀ, କରୋନାରେ ସଂକ୍ରମିତ ହୋଇ ସେ ଗତ କିଛି ଦିନ ହେବ ଭୁବନେଶ୍ୱରର ଏକ ହସ୍ପିଟାଲରେ ଚିକିତ୍ସିତ ହେଉଥିଲେ । ସ୍ୱର୍ଗତଃ ମିଶ୍ର ୧୯୮୫ ମସିହାରୁ ୧୯୯୦ ମସିହା ପର୍ଯ୍ୟନ୍ତ କଂଗ୍ରେସରୁ ଭଞ୍ଜନଗର ନିର୍ବାଚନମଣ୍ଡଳୀର ବିଧାୟକ ରହିଥିଲେ ।
ସେ କେବଳ ଯେ ରାଜନେତା ଥିଲେ ତା ନୁହେଁ ସ୍ୱର୍ଗତ ମିଶ୍ର ଜଣେ ଅଭିନେତା ଭାବେ ମଧ୍ୟ ଜଣାଶୁଣା ଥିଲେ । ସେ ‘ଅମଡାବାଟ’ ସିନେମାର ନାୟକ ଥିଲେ। ଏହାବ୍ୟତୀତ ହୀନ୍ଦି ଫିଲ୍ମ ‘ଭିଗି ପଲକେଂ’ରେ ମଧ୍ୟ ଅଭିନୟ କରିଥିଲେ । ତେବେ ତାଙ୍କ ବିୟୋଗରେ ରାଜନୈତିକ ମହଲରେ ଶୋକର ଛାୟା ଖେଳିଯାଇଛି ।
