ମାଓବାଦୀ ଏବଂ ଯବାନଙ୍କ ମଧ୍ୟରେ ଗୁଳିବିନିମୟ ,ବିସ୍ଫୋରଣରେ ଦୁଇ ଯବାନ ସହିଦ

ଭୁବନେଶ୍ୱର,(ଏସ. ନ୍ୟୁଜ୍‌): ଛତିଶଗଡ଼ ନାରାୟଣପୁର ଜିଲ୍ଲାରେ ମାଓବାଦୀ ଏବଂ ଯବାନଙ୍କ ମଧ୍ୟରେ ଗୁଳିବିନିମୟ ହୋଇଛି। ଆଇ ଇ ଡି ବିସ୍ଫୋରଣରେ ଦୁଇ ୨ ଯବାନ ସହିଦ ହୋଇଥିବା ସୂଚନା ମିଳିଛି। ନାରାୟଣପୁର ଅବୁଝମଡ ଓ ସୋନପୁର ଅଞ୍ଚଳରେ ହୋଇଛି ଗୁଳିବିନିମୟ। ଗୁରୁତରଙ୍କୁ ରାଇପୁର ସ୍ଥାନାନ୍ତର କରାଯାଇଛି। ସୂଚନା ଅନୁସାରେ ଡି ଆର୍ ଜି ଏଵଂ ଆଇ ଟି ବି ପି ଯବାନର ଏକ ଟିମ୍ ଆଜି ସକାଳେ ଅବୁଝମଡର କାକୁର୍ ଅଞ୍ଚଳରେ କୁମ୍ବିଂ ପାଇଁ ଯାଇଥିଲେ। ସେଠାରେ ଯବାନଙ୍କ ଉପରେ ଅତର୍କିତ ଗୁଳିଚାଳନା କରିଥିଲେ ମାଓବାଦୀ । ମାଓବାଦୀଙ୍କ ଗୁଳିରେ ଜଣେ ଯବାନ ସହୀଦ ହୋଇଥିଲେ। ସେପଟେ ସୋନପୁର ଅଞ୍ଚଳରେ ଆଇ ଇ ଡି ବିସ୍ଫୋରଣରେ ଜଣେ ସହୀଦ ହେବା ସହ ଜଣେ ଗୁରୁତର ହୋଇଥିବା ଟ୍ବିଟ୍ କରି ସୂଚନା ଦେଇଛନ୍ତି ଛତିଶଗଡ଼ ମୁଖ୍ୟମନ୍ତ୍ରୀ । ନାରାୟଣପୁରର ଡି ଆର୍ ଜି ଯବାନ କନେର ଉସେଣ୍ଡି ଓ ତାମିଲନଡୁର ବାସିନ୍ଦା ଆଇ ଟି ବି ପି ଯବାନ ଏନ୍ ବାଲାଚାମି ସହିଦ ହୋଇଛନ୍ତି ।

Leave A Reply

Your email address will not be published.