ନିଆଳି ପରେ ଦେବଗଡ଼ରେ ମାତିଛି ଅଜଣା ଜନ୍ତୁ : ଛେଳି ଓ ଗାଈକୁ ଝୁଣି ଖାଉଛି

ଭୁବନେଶ୍ୱର,(ଏସ୍‌ଏନ୍ୟୁଜ):ପୁଣି ଫେରିଲା ଅଜଣା ଜନ୍ତୁ ଆତଙ୍କ । ଛେଳି ଓ ଗାଈକୁ ଝୁଣି ଖାଉଛି ଏହି ଅଜଣା ଜନ୍ତୁ । ନିଆଳି ପରେ ଦେବଗଡ଼ରେ ମାତିଛି ଅଜଣା ଯନ୍ତୁ । ଜିଲ୍ଲାର ବାରକୋଟ ଵ୍ଲକ ବରତଇଲା ସଂରକ୍ଷିତ ଜଙ୍ଗଲରେ ଅଜଣା ଯନ୍ତୁ ଆତଙ୍କ ଖେଳାଇଛି । ଅଜଣା ଯନ୍ତୁ ଆକ୍ରମଣରେ ଚକଡିହି ଗାଁର ଗୋଟିଏ ଗାଈ ଓ ୧୨ଟି ଛେଳିଙ୍କ ମୃତ୍ୟୁ ହୋଇଛି ।

ଅଜଣା ଯନ୍ତୁ ଏମାନଙ୍କ ତଣ୍ଟିକୁ କଣା କରି ମରୁଥିବାର ଜଣାପଡ଼ିଛି । ତେବେ ଅଜଣା ଯନ୍ତୁଙ୍କୁ ଠାବ କରିବା ପାଇଁ ଦେବଗଡ଼ ବନ ବିଭାଗର ଉଦ୍ୟମ ଜାରି ରହିଛି । ଜଙ୍ଗଲରେ ବନ ବିଭାଗ ପକ୍ଷରୁ ସିସିଟିଭି ଲଗାଯାଇଛି । ଵନ ବିଭାଗର ସ୍ୱତନ୍ତ୍ର ଟିମ ଘଟଣାର ତଦନ୍ତ କରୁଥିବା ବେଳେ ଦେବଗଡ ଡିଏଫ ଓ କ୍ଷମା ଷଡ଼ଙ୍ଗୀ ଏ ସମ୍ପର୍କରେ ତନାଘନା ଚଳାଇଛନ୍ତି ।

ସୂଚନା ଅନୁସାରେ, ଦେବଗଡ଼ ଡିଏଫଓଙ୍କ ନେତୃତ୍ୱରେ ଏକ ଟିମ୍ ଏହି ଘଟଣାର ତନାଘନା କରୁଛି । ସେ ଅଜଣା ଜନ୍ତୁ କିଏ ତାକୁ ଚିହ୍ନଟ କରିବାକୁ ପ୍ରକ୍ରିୟା ଆରମ୍ଭ ହୋଇଛି । ଅଜଣା ଜନ୍ତୁକୁ ଚିହ୍ନଟ କରାଯିବା ପାଇଁ ଚକଡିହି ଗାଁରେ ସିସିଟିଭି ଲଗାଯାଇଥିବା ସୂଚନା ଦେଇଛନ୍ତି ଡିଏଫଓ । ଯଦିଓ ଅଜଣା ଜନ୍ତୁ ସମ୍ପର୍କରେ ଏଯାଏଁ କୌଣସି ସୂଚନା ମିଳି ନାହିଁ ତେବେ ଏହି ଜନ୍ତୁ ଜଙ୍ଗଲି କୁକୁର କିମ୍ବା ହେଟା ହୋଇପାରେ ବୋଲି ସନ୍ଦେହ କରାଯାଉଛି ।

Leave A Reply

Your email address will not be published.