ଭୁବନେଶ୍ୱର ରେଳବାଇ ଇନଡୋର ଷ୍ଟାଡିୟମରେ ଜାତୀୟ ପାରା ବ୍ୟାଡମିଣ୍ଟନ ଚମ୍ପିଆନସିପ୍‌ ଆରମ୍ଭ

ଭୁବନେଶ୍ୱର,(ଏସ୍‌.ନ୍ୟୁଜ): ଭୁବନେଶ୍ୱରରେ ଆରମ୍ଭ ହୋଇଛି ଜାତୀୟ ପାରା ବ୍ୟାଡ଼ମିଣ୍ଟନ ଚାମ୍ପଅନସିପ୍‌ । ଭୁବନେଶ୍ୱର ରେଳବାଇ ଇନଡୋର ଷ୍ଟାଡିୟମରେ ଏହି ଚାମ୍ପିଆନସିପ୍‌ ଆରମ୍ଭ ହୋଇଛି । ଏଥିରେ ବହୁ ଅଲମ୍ପିଆନ ତଥା ବିଶ୍ୱସ୍ତରୀୟ ଖେଳାଳି ଅଂଶଗ୍ରହଣ କରିଛନ୍ତି । ପ୍ରଥମ ଥର ପାଇଁ ଆୟୋଜିତ ଏହି ଚାମ୍ପିଆନସିପରେ ଖେଳରତ୍ନ ବିଜେତା ଦୀପା ମଲ୍ଲିକ ଯୋଗ ଦେଇ ଖେଳାଳିଙ୍କୁ ଉତ୍ସାହିତ କରିଛନ୍ତି ।

ମେଡାଲ୍‌ ଜିତିଥିବା ପାରା ବ୍ୟାଡ଼ମିଣ୍ଟନ ଖେଳାଳିଙ୍କୁ ସମ୍ବର୍ଦ୍ଧିତ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଭାରତୀୟ ପାରା ଅଲିମ୍ପିକ୍ସ ସଭାପତି ଦୀପା ମଲ୍ଲିକଙ୍କ ସହ ଅଧ୍ୟକ୍ଷ ପ୍ରଭାକର ରାଓ, ମୁଖ୍ୟ କୋଚ ଗୌରବ ଖାନ୍ନାଙ୍କ ସହ ଓଡି଼ଆ ଖେଳାଳି ପ୍ରମୋଦ ଭଗତ ଓ ଅନ୍ୟମାନଙ୍କୁ ସମ୍ବର୍ଦ୍ଧିତ କରିଛନ୍ତି ମୁଖ୍ୟମନ୍ତ୍ରୀ । ଏହି ଅବସରରେ ଓଡ଼ିଶା ସରକାରଙ୍କୁ ପ୍ରଶଂସା କରିଥିଲେ ଦୀପା ମଲ୍ଲିକ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦୃରଦୃଷ୍ଟି ପାଇଁ ଆଜି ଓଡ଼ିଶା କ୍ରୀଡା ହବ୍‌ ହୋଇପାରିଛି । ଖେଳାଳିମାନଙ୍କୁ ଉତ୍ସାହିତ କରିବା ପାଇଁ ଓଡ଼ିଶା ସରକାର ଅନେକ କାର୍ଯ୍ୟକ୍ରମ ହାତକୁ ନେଇଛନ୍ତି । ଯାହା ଦେଶର ପାଇଁ ଉଦାହରଣ ଅଟେ ବୋଲି କହିଛନ୍ତି ଦୀପା ।

Leave A Reply

Your email address will not be published.