ଧରାପଡ଼ିଲା ନାବାଳିକା ଅପହରଣକାରୀ

ଯାଜପୁର,(ଏସ୍‌ଏନ୍ୟୁଜ): ଧରାପଡ଼ିଲା ନାବାଳିକା ଅପହରଣକାରୀ । ନିଜ ଗାଁରୁ ୭ ବର୍ଷର ନାବାଳିକାକୁ ଅପହରଣ କରି ନେବା ବେଳେ ଗ୍ରାମବାସୀଙ୍କ ହାତରେ ଧରାପଡ଼ିଛି ମଦ୍ୟପ ଯୁବକ । ଗାଁ ଲୋକେ ଅପହରଣକାରୀ ଠାରୁ ନାବାଳିକାକୁ ଉଦ୍ଧାର କରିବା ସହ ମଦ୍ୟପ ଯୁବକକୁ ଉତ୍ତମ ମଧ୍ୟମ ଦେଇଛନ୍ତି । ଯାଜପୁର ଜିଲ୍ଲା କୋରାଇ ଥାନା ମୁକୁନ୍ଦପୁର ଗାଁରେ ଘଟିଛି ଏହି ଘଟଣା ।ନାବାଳିକାକୁ ଉଦ୍ଧାର କରିବା ସହ ଯୁବକ ଜଣଙ୍କୁ ଗ୍ରାମବାସୀ ନିସ୍ତୁକ ମାଡ଼ ମାରି ପୋଲିସ ଜିମା ଦେଇଛନ୍ତି । ଘଟଣାକୁ ନେଇ ଗାଁରେ ଚାପା ଉତ୍ତେଜନା ସୃଷ୍ଟି ହୋଇଛି । ଗ୍ରାମବାସୀ ପୋଲିସ ଗାଡ଼ିକୁ ଅଟକ ରଖିବା ସହ ଏସପି ଆସିବାକୁ ଦାବି କରିଛନ୍ତି । ୭ ବର୍ଷର ନାବାଳିକାକୁ ଅପହରଣ କରିଥିବା ଯୁବକ ସେହି ଗାଁର ଚନ୍ଦ୍ରମଣି ନାୟକ ବୋଲି ଜଣାପଡ଼ିଛି ।

Leave A Reply

Your email address will not be published.