ଭୁବନେଶ୍ୱର,(ଏସ୍ଏନ୍ୟୁଜ): ସୀମାନ୍ତରେ ଲାଲବାହିନୀ ପୁଣି ବର୍ବରକାଣ୍ଡ ଘଟାଇଛନ୍ତି । ପୋଲିସ ଇନଫର୍ମର ସନ୍ଦେହରେ ଆନ୍ଧ୍ର ବିଶାଖାପାଟଣା ଅଞ୍ଚଳର ଜଣଙ୍କୁ ହତ୍ୟା କରିଛନ୍ତି।ମୃତକ ଜଣକ ଆନ୍ଧ୍ର ବିଶାଖାପାଟଣା ଜିଲ୍ଲାର ପେଦାବାଇଲୁ ବ୍ଲକର ଚିନ୍ତାଗୁରୁର ସତୀଶ ବାବୁ ବୋଲି ଜଣାପଡିଛି।ସୂଚନା ମୁତାବକ, ପୋଲିସ ଇନଫର୍ମର ସନ୍ଦେହରେ କରୁକୋଣ୍ଡାଦଲମ ମାଓ ସଂଗଠନ ପକ୍ଷରୁ ସତୀଶଙ୍କୁ ହତ୍ୟା କରାଯାଇଛି। ୨୦ରୁ ଉର୍ଦ୍ଧ୍ୱ ନକ୍ସଲ ସତୀଶଙ୍କୁ ଘରୁ ଉଠାଇ ନେଇ ଗାଁ ମୁଣ୍ଡରେ ହତ୍ୟା କରିଛନ୍ତି ।ତେବେ ଘଟଣାସ୍ଥଳରେ ମାଓ ସଂଗଠନ ଏକ ଚିଠି ଛାଡିଥିବା ନେଇ ଜଣାପଡିଛି । ଯେଉଁଥିରେ ପୋଲିସ ଇନଫର୍ମର ଓ ଗଂଜେଇ ବ୍ୟବସାୟ ତଥା ଆଦିବାସୀଙ୍କୁ ହଇରାଣ ହରକତ କରୁଥିବାରୁ ତାଙ୍କୁ ହତ୍ୟା କରାଯାଇଥିବା ନେଇ ମାଓବାଦୀଙ୍କ ପକ୍ଷରୁ ଦର୍ଶାଯାଇଛି ।
