ଡି-ବ୍ରଦର୍ସ ଉପରେ ପୋଲିସର ଆକ୍ସନ ଜାରି: ୧୨ ଜଣଙ୍କୁ ଗିରଫ କଲା ପୋଲିସ

କଟକ,(ଏସ୍‌ଏନ୍ୟୁଜ): ଡି-କମ୍ପାନୀ ଉପରେ ପୋଲିସର ଆକ୍ସନ ଜାରି  । ପୁଣି ଗିରଫ ହେଲେ ଧଳସାମନ୍ତ ଭାଇଙ୍କ ଆଉ କିଛି ସହଯୋଗୀ  । ବିଭିନ୍ନ ସ୍ଥାନରେ ଚଢାଉ କରି ଆଜି ମୋଟ ୧୨ ଜଣଙ୍କୁ ଗିରଫ କରିଛି କଟକ କମିଶନରେଟ ପୋଲିସ । ସେମାନଙ୍କ ଠାରୁ ବିପୁଳ ପରିମାଣର ବନ୍ଧୁକ ଓ ଗୁଳି ଜବତ କରାଯାଇଛି  । ବନ୍ଧୁକ କାରବାର ନେଇ କମିଶନରେଟ ପୋଲିସ ଧଳସାମନ୍ତ ଘରେ ଚଢ଼ାଉ କରିବା ପରେ ଗୋଟିଏ ପରେ ଗୋଟିଏ ତଥ୍ୟ ସାମ୍ନାକୁ ଆସୁଛି । ଜେଲେର ଚାରି କାନ୍ଥ ଭିତରେ ଥାଇ ନିଜର ଅପରାଧିକ ଦୁନିଆକୁ ସକ୍ରିୟ ରଖିଛନ୍ତି ଡି -ବ୍ରଦର୍ସ । ସେମାନଙ୍କ ସହଯୋଗୀମାନେ ବିଭିନ୍ନ ସ୍ଥାନରେ ଅପରାଧ ଭିଆଉଛନ୍ତି । ବନ୍ଧୁକ ମୁନରେ ଚାଲିଥିବା ଏହି ଅପରାଧର ସୁରାଗ ପାଇଛି ପୋଲିସ ।  ବିହାରର ମୁଙ୍ଗେରରୁ ଧାରାବାହିକ ଭାବେ ଓଡ଼ିଶା ଅଣାଯାଉଛି ବନ୍ଧୁକ ।  ଅପରାଧୀମାନେ ଅପରାଧ ଘଟାଇବାରେ ବନ୍ଧୁକକୁ ମୁଖ୍ୟ ଅସ୍ତ୍ର ଭାବେ ବ୍ୟବହାର କରୁଛନ୍ତି ।  ଏହାକୁ ନେଇ ଏବେ ଆକସନ୍ ମୁଡରେ ଆସିଛି କଟକ କମିଶନରେଟ ପୋଲିସ ।

Leave A Reply

Your email address will not be published.