ବଦଳିବ ଯାଜପୁରର ସ୍ୱାସ୍ଥ୍ୟସେବାର ଚେହେରା : ମେଡିକାଲ ପ୍ରକଳ୍ପ ପାଇଁ ୪୨୭ କୋଟି ଟଙ୍କା ମଞ୍ଜୁର

୧୦୦ ସିଟ୍ ବିଶିଷ୍ଟ ମେଡିକାଲ କଲେଜ ଓ ୫୦୦ ଶଯ୍ୟାବିଶିଷ୍ଟ ହସ୍ପିଟାଲ ପ୍ରତିଷ୍ଠା କରାଯିବ

ଯାଜପୁର,(ଏସ୍‌ଏନ୍ୟୁଜ): ବଦଳିବ ଯାଜପୁରର ସ୍ୱାସ୍ଥ୍ୟସେବାର ଚେହେରା । ଏନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନେଇଛନ୍ତି ଐତିହାସିକ ନିଷ୍ପତ୍ତି । ଆଜି ସନ୍ଧ୍ୟାରେ ବସିଥିବା କ୍ୟାବିନେଟ୍ ବୈଠକରେ ମେଡିକାଲ ପ୍ରକଳ୍ପ ପାଇଁ ୪୨୭ କୋଟି ଟଙ୍କା ମଞ୍ଜୁର କରାଯାଇଛି । ଆସନ୍ତା ୩ ବର୍ଷ ମଧ୍ୟରେ ଏହି ଅର୍ଥକୁ ଉପଯୋଗ କରାଯାଇ ଏକ ୧୦୦ ସିଟ୍ ବିଶିଷ୍ଟ ମେଡିକାଲ କଲେଜ ଓ ୫୦୦ ଶଯ୍ୟାବିଶିଷ୍ଟ ହସ୍ପିଟାଲ ପ୍ରତିଷ୍ଠା କରାଯିବ ।

କ୍ୟାବିନେଟ୍ ମୋହର ପରେ ଉତ୍ସବମୁଖର ହୋଇଛି ଯାଜପୁର । ସହରରେ ଦେଖିବାକୁ ମିଳିଛି ଅଦିନିଆ ଦୀପାବଳି । ଆଳତି, ମାନବଶୃଙ୍ଖଳ ଜରିଆରେ ମୁଖ୍ୟମନ୍ତ୍ରୀଙ୍କୁ ସହରବାସୀ ଧନ୍ୟବାଦ ଜଣାଇଛନ୍ତି । ଯାଜପୁର ବୈତରଣୀ ନଦୀ କୂଳରେ ସମୂହ ଆଳତି କରାଯାଇଛି । ଯାଜପୁର ପାଇଁ ମୁଖ୍ୟମନ୍ତୀଙ୍କ ବଡ଼ ଘୋଷଣାକୁ ହଜାର ହଜାର ମହିଳା ନିଆରା ଢଙ୍ଗରେ ସ୍ୱାଗଗତ କରିଛନ୍ତି । ବୈତରଣୀ ନଦୀ କୂଳରେ ଆୟୋଜିତ ସନ୍ଧ୍ୟା ଆଳତିରେ ଯାଜପୁର ବିଧାୟକ ପ୍ରଣବ ପ୍ରକାଶ ଦାସ ସାମିଲ ହୋଇଥିଲେ । ଯାଜପୁର ବିଧାୟକଙ୍କ ସହ ପୂରା ସହରବାସୀ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ।

Leave A Reply

Your email address will not be published.