ଭୁବନେଶ୍ବରରୁ ୩୦ ଲକ୍ଷ ଟଙ୍କା ସହ ଯୁବକ ଅଟକ

ଭୁବନେଶ୍ୱର,(ଏସ୍‌ଏନ୍ୟୁଜ): ଭୁବନେଶ୍ବରରୁ ୩୦ ଲକ୍ଷ ଟଙ୍କା ସହ ଯୁବକ ଅଟକ । ତପୋବନ ପେଟ୍ରୋଲ ପମ୍ପ ସାମନାରୁ ଧରିଲା ଖଣ୍ଡଗିରି ପୋଲିସ । ବ୍ୟାଗରେ ଟଙ୍କା ରଖି ଗାଡିକୁ ଅପେକ୍ଷା କରିଥିବା ବେଳେ ତାଙ୍କୁ ଅଟକ ରଖିଛି ପୋଲିସ । ଅଟକ ଯୁବକ ହେଲେ ମହାବୀର ଦାସ । ସେ ଟଙ୍କା ନେଇ ପାରଳାଖେମୁଣ୍ଡିରୁ ଭୁବନେଶ୍ଵର ବସରେ ଆସିଥିଲେ ।

ତେବେ ଥାନାରେ ପହଞ୍ଚିଛନ୍ତି ଖୁସବୁ ପ୍ରଡକ୍ଟର ମାଲିକ ପ୍ରଳୟ ପାଢୀ । ଲକଡାଉନ ଯୋଗୁଁ ବକେୟା ଟଙ୍କା ଆଦାୟ ହୋଇପାରନଥିଲା । ଏଣୁ ମହାବୀର ଟଙ୍କା ଆଦାୟ ପାଇଁ ଯାଇଥିଲେ ବୋଲି ପ୍ରଳୟ କହିଛନ୍ତି । ତେବେ ଟଙ୍କା ବେଆଇନ ନୁହେଁ, ପୋଲିସ ଆଗରେ ସମସ୍ତ କାଗଜପତ୍ର ଦେଖାଇବୁ ବୋଲି ସେ କହିଛନ୍ତି ।ଅନ୍ୟପଟେ ଜବତ ଟଙ୍କା ସଂପର୍କରେ ଖଣ୍ଡଗିରି ପୋଲିସ ଆୟକର ବିଭାଗକୁ ଅବଗତ କରାଇଛି । ଆଜି ସକାଳେ ତପୋବନ ପେଟ୍ରୋଲ ପମ୍ପ ସାମନାରୁ ୩୦ ଲକ୍ଷ ଟଙ୍କା ଭର୍ତ୍ତି ବ୍ୟାଗ ସହ ମହାବୀର ଦାସ ନାମକ ଜଣେ ଯୁବକଙ୍କୁ ଅଟକ ରଖିଥିଲା ପୋଲିସ । ସେ ବସ୍ ଯୋଗେ ଟଙ୍କା ନେଇ ପାରଳାଖେମୁଣ୍ଡିରୁ ଭୁବନେଶ୍ଵର ବସ ଯୋଗେ ଆସିଥିଲେ ।

Leave A Reply

Your email address will not be published.