କରୋନା କଟକଣା ମଧ୍ୟରେ ହେବ ଭଷାଣ

କଟକ ,(ଏସ୍‌ଏନ୍ୟୁଜ): ଧରାପୃଷ୍ଠରେ ମା’ଙ୍କ ଆଗମନ ପରେ ଏବେ ଆସିଛି ମା’ ଙ୍କୁ ମେଲାଣି ଦେବା ସମୟ । ବିନା ଯାକଜମକରେ ଆସିଲେ ମା’, ଆଉ ଏବେ ମେଲାଣି ମଧ୍ୟ ବିନା ଯାକଜମକରେ ହିଁ ହେବ । କରୋନା କଟକଣାରେ ଆୟୋଜିତ ହେବ ଭଷାଣ କାର୍ଯ୍ୟକ୍ରମ । ପୂଜା ସରିଲା ପରେ ଏବେ ମେଲାଣି ନେବାର ବେଳ । ମଣ୍ଡପରେ ବିଧି ଅନୁଯାୟୀ ମାଆଙ୍କ ଦଶମୀ ପୂଜା ରୀତିନୀତି ଅନୁଯାୟୀ କରାଯାଇଥିଲା । ଏଥର ପୂଜା ପରି ଭସାଣ ପାଇଁ ମଧ୍ୟ କଟକଣା ଲଗାଇଛି ପ୍ରଶାସନ । କଟକରେ ପ୍ରଥମେ ବେଙ୍ଗଲୀ ମେଢ ଗୁଡ଼ିକ ବିଜୟା ଦଶମୀରେ ବିସର୍ଜିତ ହେବାର ପରମ୍ପରା ରହିଥିବାରୁ ଦଶମୀ ରାତିରେ ଏହି ସବୁ ମୂର୍ତ୍ତୀ ସହରର ୧୪ ଟି କୃତ୍ରିମ ପୁଷ୍କରଣୀରେ ବିସର୍ଜିତ ହେବେ।

କାଲି ସକାଳୁ ପୂଜା ମଣ୍ଡପରୁ ବାହାରିବେ ସମସ୍ତ ମେଢ । ପ୍ରଶାସନ ଧାର୍ଯ୍ୟ କରିଥିବା ନିୟମ ଓ ପୋଲିସ ସହାୟତାରେ ନିଜ ନିଜ ଅଞ୍ଚଳରେ ବିସର୍ଜିତ ହେବେ ସମସ୍ତ ମୂର୍ତ୍ତି । ଏଥର ଭସାଣ ପାଇଁ କଟକ ସହରରେ ୩୦ ପ୍ଲାଟୁନ ପୋଲିସ ଫୋର୍ସ ଓ ୧୦୦ ଅଫିସର ନିୟୋଜିତ ହେବେ । ପୂଜା ମଣ୍ଡପଗୁଡ଼ିକ ମଧ୍ୟ କୋଭିଡ୍ ପାଇଁ ନିୟମ ମାନି ଭସାଣ କରିବାକୁ ସମ୍ମତି ଦେଇଛନ୍ତି ।

Leave A Reply

Your email address will not be published.