ମୁରୀ ହିଲ୍‌ ରିସୋର୍ଟରେ ଏକ ଅଭାବନୀୟ ଘଟଣା: ୪ ଫୁଟର ବରଫ ପଡ଼ି କାର ଫସିଯିବା ପରେ ଏଥିରେ ୨୧ ଜଣଙ୍କ ମୃତ୍ୟୁ

କରାଚି: ଜାଡ଼ରେ ଥରୁଛି ପାକିସ୍ତାନ । ପାକିସ୍ତାନର ମୁରୀ ହିଲ୍‌ ରିସୋର୍ଟରେ ଏକ ଅଭାବନୀୟ ଘଟଣା ଘଟିଛି । ୪ ଫୁଟର ବରଫ ପଡ଼ି କାର ଫସିଯିବା ପରେ ଏଥିରେ ୨୧ ଜଣଙ୍କ ମୃତ୍ୟୁ ହୋଇଛି । ସୂଚନା ଅନୁସାରେ ଏକାଧିକ ଲୋକ ହାଇପୋଥର୍ମିଆରେ ମୃତ୍ୟୁବରଣ କରିଛନ୍ତି । ମୃତକଙ୍କ ମଧ୍ୟରେ ଇସଲାମାବାଦର ଜଣେ ପୋଲିସ ଅଧିକାରୀଙ୍କ ସମେତ ତାଙ୍କ ପରିବାରର ୭ ଜଣ ସଦସ୍ୟ ରହିଛନ୍ତି ।

ଇସଲାମାବାଦ ଠାରୁ ଉତ୍ତରରେ ୪୫ କିଲୋମିଟର ଦୂରରେ ଅବସ୍ଥିତ ମୁରୀ । ୧୨୨ ସେଣ୍ଟିମିଟର ବରଫପାତ ପରେ ଏକାଧିକ କାର ମୁରୀ ହିଲ୍‌ ରିସୋର୍ଟ ରୋଡରେ ଫସି ଯାଇଥିଲା । ଶୁକ୍ରବାର ରାତି କାରରେ ବିତାଇବାକୁ ପଡ଼ିଥିଲା । କାରର ଚାରିପଟେ ବରଫ ଜମି ଯାଇଥିବା ବେଳେ ବାହାରକୁ ଯିବାର ବାଟ ନଥିଲା । ଏପରିକି ତାପମାତ୍ରା ୮ ଡିଗ୍ରୀ ସେଲସିୟସକୁ ଖସି ଆସିଥିଲା ।

ଏବେ ମୁରୀକୁ ଉଦ୍ଧକାରୀ ଦଳ ଛଡ଼ା ଅନ୍ୟ କାହାରିକୁ ଯିବାକୁ ଅନୁମତି ଦିଆଯାଉ ନାହିଁ । ଅନେକ କାର ଏବେବି ବରଫରେ ଫସି ରହିଛି । ମୁରୀରେ ମଙ୍ଗଳବାର ରାତିରୁ ପ୍ରବଳ ବରଫପାତ ଆରମ୍ଭ ହୋଇଥିଲା । ପାକିସ୍ତାନ ପ୍ରଧାନମନ୍ତ୍ରୀ ଏହି ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି ।

Leave A Reply

Your email address will not be published.