ଭାରତୀୟ ବଜାରରେ ଉପଲବ୍ଧ ହେବ କରୋନା ଔଷଧ ମଲନୁପିରାଭିର: ୪୦ଟି କ୍ୟାପସୁଲ ବିଶିଷ୍ଟ କୋର୍ସର ମୂଲ୍ୟ ୧୪୦୦ ଟଙ୍କା


ଭୁବନେଶ୍ୱର,(ଏସ୍‌.ନ୍ୟୁଜ): କରୋନାକୁ ନେଇ ବହୁ ଗବେଷଣା ଏବଂ ପର୍ଯ୍ୟାଲୋଚନା କଲାଣି ଭାରତ । କରୋନା ଟିକା କ୍ଷେତ୍ରରେ ଭାରତ ପୃଥିବୀର ସବୁଠାରୁ ଆଗରେ ରହିଛି । ଏହି ପରିପ୍ରେକ୍ଷୀରେ ଭାରତ ମଧ୍ୟ ଆଉଏକ ଉପଲବ୍ଧି ହାସଲ କରିଛି । ଆସନ୍ତା ଆସନ୍ତା ସପ୍ତାହରୁ ଭାରତୀୟ ବଜାରରେ ଉପଲବ୍ଧ ହେବ କରୋନା ଔଷଧ ମଲନୁପିରାଭିର । ଏ ନେଇ ଘୋଷଣା କରିଛି ଭାରତୀୟ ଫାର୍ମା କମ୍ପାନୀ ଡ.ରେଡ୍ଡିସ୍‌ । କମ୍ପାନୀ ପକ୍ଷରୁ ଏହି କ୍ୟାପସ୍ୟୁଲ ଉତ୍ପାଦନ କରାଯିବା । ଯାହାର ମୂଲ୍ୟ ୩୫ ଟଙ୍କା ରହିବ ।

ଗୋଟିଏ ଷ୍ଟ୍ରିପରେ ୧୦ଟି କ୍ୟାପସୁଲ ରହିଛି । କରୋନା ଚିକିତ୍ସା ପାଇଁ ୫ ଦିନରେ ୪୦ଟି କ୍ୟାପସୁଲ ବିଶିଷ୍ଟ କୋର୍ସ ପୂରଣ କରିବାକୁ ପଡ଼ିବ । ଏହି ୪୦ଟି କ୍ୟାପସୁଲ ବିଶିଷ୍ଟ କୋର୍ସର ମୂଲ୍ୟ ୧୪୦୦ ଟଙ୍କା ରଖାଯାଇଛି । ଆସନ୍ତା ସପ୍ତାହ ଆରମ୍ଭ ସୁଦ୍ଧା ଦେଶର ବିଭିନ୍ନ ଅଞ୍ଚଳରେ ଏହି କ୍ୟାପସୁଲ ଉପଲବ୍ଧ ହେବ । ତେବେ ଅଧିକ କୋଭିଡ ସଂକ୍ରମଣ ଥିବା ରାଜ୍ୟଗୁଡ଼ିକୁ ଯଥାଶୀଘ୍ର ଏହି ଔଷଧ ଯୋଗାଣ ଉପରେ କମ୍ପାନି ଗୁରୁତ୍ୱ ଦେଉଛି । ବହୁରାଷ୍ଟ୍ରୀୟ ଔଷଧ କମ୍ପାନି ଏମଏସଡିର ଚୁକ୍ତି ମାଧ୍ୟମରେ ଡଃ ରେଡ୍ଡୀ ଭାରତରେ ଏହି ଔଷଧର ଉତ୍ପାଦନ କରୁଛି । ଭାରତ ସମେତ ୧୦୦ଟି ଗରିବ ଓ ବିକାଶଶୀଳ ଦେଶକୁ ଏହି ଔଷଧ ରପ୍ତାନି ପାଇଁ କମ୍ପାନି ଚୁକ୍ତିବଦ୍ଧ ହୋଇଛି ।

ସୂଚନା ଯୋଗ୍ୟ ଯେ ନିକଟରେ ସରକାରଙ୍କ ପକ୍ଷରୁ ୨ଟି କରୋନା ଭ୍ୟାକ୍ସିନ୍‌ ଓ କରୋନା ଔଷଧ ମଲନୁପିରାଭିରର ଜରୁରୀକାଳୀନ ବ୍ୟବହାର ନେଇ ଅନୁମତି ଦିଆଯାଇଥିଲା ।

Leave A Reply

Your email address will not be published.