ଡେଲଟା ତୁଳନାରେ ଓମିକ୍ରନ ଗମ୍ଭୀର ହେବ ନାହିଁ : ଏମ୍ସ ନିର୍ଦ୍ଦେଶକ ରଣଦୀପ ଗୁଲେରିଆ

ନୂଆଦିଲ୍ଲୀ: ନୂଆବର୍ଷରେ ଏକ ଖୁସିର ଖବର ମିଳିଛି । କରୋନାର ନୂଆ ଭାରିଆଣ୍ଟ ଓମିକ୍ରନକୁ ନେଇ ଏକ ବଡ ଖୁଲାସା କରିଛନ୍ତି ଏମ୍‌ସ ନିର୍ଦ୍ଦେଶକ ରଣଦୀପ ଗୁଲେରିଆ ।
ତେବେ ଏହି ଖବର ଆଶ୍ୱସ୍ତି କରିଛି ଭାରତୀୟ ନାଗରିକଙ୍କୁ । ପୂର୍ବ ଭାରିଆଣ୍ଟ ଡେଲଟା ତୁଳନାରେ ଓମିକ୍ରନ ଗମ୍ଭୀର ହେବ ନାହିଁ । ଓମିକ୍ରନ ଶରୀର ମଧ୍ୟକୁ ପ୍ରବେଶ କରିବା ପରେ ଶ୍ୱାସନଳୀରେ ନିଜକୁ ନିଜେ ବିକଶିତ କରିଥାଏ । ଭାରିଆଣ୍ଟ ଶ୍ୱାସନଳୀରେ ଅଟକିବା ସହ ଫୁସଫୁସରେ ପହଞ୍ଚିବା ବେଳକୁ ବହୁତ ଦୁର୍ବଳ ହୋଇଯାଇଥାଏ । ଅପରପକ୍ଷେ ଡେଲଟା ଶ୍ୱାସନଳୀରେ ଅଟକିବା ପରିବର୍ତ୍ତେ ସିଧାସଳଖ ଫୁସଫୁସରେ ଅଟକିଥାଏ । ତେଣୁ ଡେଲଟା ଅପେକ୍ଷା ଓମିକ୍ରନ ଅଧିକ ଭୟଙ୍କର ହେବ ନାହିଁ ବୋଲି କହିଛନ୍ତି ଏମ୍ସ ନିର୍ଦ୍ଦେଶକ ରଣଦୀପ ଗୁଲେରିଆ ।

ଜଣାପଡିଛି ଯେ, ଆଣ୍ଟିବଡି ସୃଷ୍ଟି କରିବା କ୍ଷେତ୍ରରେ ଦୁଇ ଭାରିଆଣ୍ଟର ପ୍ରଭାବ ଅଲଗା ରହିଥାଏ । ଓମିକ୍ରନରେ ମୃତ୍ୟୁ ଆଶଙ୍କା ବହୁତ କମ୍‌ ରହିଥିବା ବେଳେ ଡେଲଟାରେ ଲକ୍ଷ ଲକ୍ଷ ଲୋକ ମରିଥିଲେ । ଓମିକ୍ରନ ସଂକ୍ରମଣରେ ଗଳା, ନାକ, ପିଠିର ତଳ ଭାଗରେ ଯନ୍ତ୍ରଣା ହେଉଥିବା ବେଳେ ଡେଲଟା କ୍ଷେତ୍ରରେ କେବଳ ନିଃଶ୍ୱାସ ନେବାରେ କଷ୍ଟ ଅନୁଭବ ହେଉଥିଲା । ଡେଲଟା ଅପେକ୍ଷା ଓମିକ୍ରନ ୭୦ ଗୁଣ ଅଧିକ ସଂକ୍ରମଣ ହୋଇଥାଏ । ଡେଲଟା ଅପେକ୍ଷା ଓମିକ୍ରମରେ ଫୁସଫୁସ ସଂକ୍ରମଣ ଆଶଙ୍କା ୧୦ ଗୁଣ କମ ହୋଇଥାଏ ।

Leave A Reply

Your email address will not be published.