ମୁମ୍ବାଇ: ଦେଶରେ ଚାଲିଛି ଦ୍ୱିତୀୟ ପର୍ଯ୍ୟାୟ କୋଭିଡ ଟିକାକରଣ । ସୁପରଷ୍ଟାର ସଲମାନ ଖାନ ବୁଧବାର କରୋନା ଟିକାର ପ୍ରଥମ ଡୋଜ୍ ନେଇଛନ୍ତି । ଏ ନେଇ ସେ ଟ୍ୱିଟ୍ କରି ତାଙ୍କ ପ୍ରଶଂସକଙ୍କୁ ସୂଚନା ଦେଇଛନ୍ତି। ସଲମାନ ଖାନ ଟ୍ୱିଟ୍ କରିଛନ୍ତି, ‘ଆଜି ମୁଁ କରୋନା ଟିକାର ପ୍ରଥମ ଡୋଜ ନେଇଛି।
ସଲମାନ ଖାନଙ୍କ ଟ୍ୱିଟରେ ଅନେକ ପ୍ରଶଂସକ ନିଜର ପ୍ରତିକ୍ରିୟା ଦେଇଛନ୍ତି। ପ୍ରଶଂସକମାନେ ସଲମାନଙ୍କୁ ସୁରକ୍ଷିତ ରହିବାକୁ ପରାମର୍ଶ ଦେଇଛନ୍ତି। ମହାରାଷ୍ଟ୍ରରେ ପୁଣି ଥରେ କରୋନା ମାମଲା ଦ୍ରୁତ ଗତିରେ ବୃଦ୍ଧି ହେଉଛି । ଗତ କିଛି ଦିନ ମଧ୍ୟରେ ଅନେକ ସେଲିବ୍ରିଟି କୋଭିଡ ପଜିଟିଭ୍ ଚିହ୍ନଟ ହୋଇଛନ୍ତି। ତେବେ ନିକଟରେ ସଲମାନ ଖାନଙ୍କ ଅଭିନୀତ ଚଳଚ୍ଚିତ୍ର ରେସ -୩ର ନିର୍ମାତା ଆମୀର ତୌରାନୀ ମଧ୍ୟ କରୋନା ପଜିଟିଭ ଚିହ୍ନଟ ହୋଇଥିଲେ। ତାଙ୍କ ବ୍ୟତୀତ ଗତ କିଛି ଦିନ ମଧ୍ୟରେ କାର୍ତ୍ତିକ ଆର୍ଯ୍ୟନ, ମନୋଜ ବାଜପେଇ, ରଣବୀର କପୁର ଏବଂ ସତୀଶ କୌଶିକଙ୍କ ପରି ଅନେକ ସେଲିବ୍ରିଟି କୋଭିଡ ପଜିଟିଭ ଥିବା ଜଣାପଡ଼ିଛି।
