କରୋନାର ତୃତୀୟ ଓ ଚତୁର୍ଥ ପ୍ରବାହ ଆସିପାରେ: ‘ହୁ’

ନୂଆଦିଲ୍ଲୀ: କରୋନା ସଂକ୍ରମଣ ହାର କମିବା ପରେ ଏବେ ପୁଣି ଏହାର ମାମଲା ବୃଦ୍ଧି ପାଇବାରେ ଲାଗିଛି । ସାରା ବିଶ୍ବରେ ଗତ ୨୪ ଘଣ୍ଟା ମଧ୍ୟରେ ୩ ଲକ୍ଷରୁ ଅଧିକ ସଂକ୍ରମିତ ହୋଇଥିବା ଜଣାପଡିଛି । ଫଳରେ ବିଶ୍ବରେ କରୋନା ସଂକ୍ରମଣ ସଂଖ୍ୟା ୧୧ କୋଟି ୭୦ ଲକ୍ଷରେ ପହଞ୍ଚିଛି । ଆମେରିକାରର ଜନ୍ ହାପକିନ୍ସ ୟୁନିରଭସିଟି ପରିସଂଖ୍ୟାନ ଅନୁଯାୟୀ, ବିଶ୍ବରେ ବର୍ତ୍ତମାନ ସୁଦ୍ଧା ୨୬ ଲକ୍ଷରୁ ଅଧିକ ଲୋକଙ୍କ ଜୀବନ ନେଇଛି ଏହି ମହାମାରୀ ଭୂତାଣୁ । ଏହାକୁ ନେଇ ପୁଣି ଥରେ ବିଶ୍ବ ସ୍ବାସ୍ଥ୍ୟ ସଂଗଠନ ଚେତାବନୀ ଦେଇଛି । ବିଶ୍ବରେ ତୃତୀୟ କିମ୍ବା ଚତୁର୍ଥ କରୋନା ଲହର ଆସିବା ନେଇ ସତର୍କ ସୂଚନା ଜାରି କରିଛି ଡବ୍ଲୁଏଚଓ । ସେଥିପାଇଁ ଏହାକୁ ଅଣଦେଖା କରିବା କ୍ଷତିକାରକ ସାବ୍ୟସ୍ତ ହୋଇପାରେ ବୋଲି କହିଛି ଡବ୍ଲ୍ୟୁଏଚଓ । ବିଶ୍ବ ସ୍ବାସ୍ଥ୍ୟ ସଂଗଠନ ମୁଖ୍ୟ ଟି ଅଧାନୋମ କହିଛନ୍ତି, ଆମକୁ ବୁଝିବାକୁ ହେବ ଯେ, ଭୂତାଣୁକୁ ରୋକାଯାଇ ପାରିଛି କିନ୍ତୁ ଏହା ସମ୍ପୂର୍ଣ୍ଣରୂପେ ମରିନାହିଁ । ତେଣୁ ପୂର୍ବପରି ସତର୍କତା ଅବଲମ୍ବନ କରିବା ସହ ଜୀବନ ଜୀବିକାକୁ ଆଗକୁ ନେବାକୁ ହେବ । ନହେଲେ ପୁଣିଥରେ ବିଶ୍ବବାସୀଙ୍କୁ ଭୟଙ୍କର ବିପତ୍ତିର ସାମ୍ନା କରିବାକୁ ପଡିବ ।

Leave A Reply

Your email address will not be published.