ନୂଆଦିଲ୍ଲୀ: ଜମ୍ମୁ କଶ୍ମୀରରେ ସୁରକ୍ଷାକର୍ମୀଙ୍କୁ ମିଳିଛି ସଫଳତା। ପୁଲୱାମାରେ ସୁରକ୍ଷାକର୍ମୀଙ୍କ ସହ ଗୁଳିବିନିମୟ ପରେ ୨ ଆତଙ୍କବାଦୀ ଆତ୍ମସମର୍ପଣ କରିଛନ୍ତି। ଆତ୍ମସମର୍ପଣ କରିଥିବା ଦୁଇ ଆତଙ୍କବାଦୀ ହେଲେ, ଅକୀଲ୍ ଅହମ୍ମଦ୍ ଲୋନ୍ ଏବଂ ରୌଫ୍ ଉଲ୍ ଇସ୍ଲାମ୍ । ତେବେ ଗୁଳିବିନିମୟରେ ଅକୀଲ ଆହତ ହୋଇଥିବା ବେଳେ ତାକୁ ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରାଯାଇଛି।
ସୂଚନା ଅନୁୟାୟୀ, ଆତଙ୍କବାଦୀ ଛପିଥିବା ସୂଚନା ପାଇ, ଶୁକ୍ରବାର ରାତିରେ ପୁଲୱାମା କାକପଡ଼ା ଲେଲହାରରେ ସୁରକ୍ଷାବଳ ପକ୍ଷରୁ ଘେରାବନ୍ଦୀ ଓ ତଲାସି ଅଭିଯାନ ଆରମ୍ଭ କରାଯାଇଥିଲା। ତେବେ ଦୀର୍ଘ ସମୟ ଧରି ଗୁଳି ବିନିମୟ ପରେ ଦୁଇଜଣ ଆତଙ୍କବାଦୀ ସୁରକ୍ଷାକର୍ମୀଙ୍କ ପାଖରେ ଆତ୍ମସମର୍ପଣ କରିଥିଲେ। ତେବେ ଆତ୍ମସମର୍ପଣ କରିଥିବା ଦୁଇ ଆତଙ୍କୀ କେଉଁ ସଂଗଠନର ସେନେଇ ସ୍ପଷ୍ଟ ହୋଇନାହିଁ। ଏହି ଦୁଇଜଣ ଆତଙ୍କ ବାଦୀ ନିଜର Ak-47 ବନ୍ଧୁକ ସହ ସୁରକ୍ଷାକର୍ମୀଙ୍କ ସମ୍ମୁଖରେ ଆତ୍ମସମର୍ପଣ କରିଛନ୍ତି।
