ଆରବିଆଇ ପକ୍ଷରୁ ଜାନୁଆରୀ ପହିଲାରୁ ଲାଗୁ ହେବ ନୂଆ ଟୋକେନାଇଜେସନ୍‌ ବ୍ୟବସ୍ଥା : ଏଣିକି ଅନଲାଇନ ସପିଂ ଆହୁରି ସୁବିଧା ହେବ, ଦେବାକୁ ପଡିବନି ସିଭିଭି ନମ୍ୱର, ଡେବିଟ୍‌ କିମ୍ୱା କ୍ରେଡିଟ କାର୍ଡ

ନୂଆଦିଲ୍ଲୀ: ଏଣିକି ଅନଲାଇନ ସପିଂ ଆହୁରି ସୁବିଧା ହୋଇଯିବ । ଅନଲାଇନରେ କିଣିବା ପାଇଁ ଆଉ କ୍ରେଡିଟ କିମ୍ବା ଡେବିଡ କାର୍ଡ ଦରକାର ପଡିବ ନାହିଁ । ବିଭିନ୍ନ ସପିଂ ୱେବସାଇଟ ଯଥା ଆମାଜନ୍‌, ଫ୍ଳିପ୍‌କାର୍ଟ, ମିନ୍ତ୍ର୍ରା ଏବଂ ବିଗ୍‌ ବାସ୍କଟ୍‌ରୁ ଏବେ ସପିଂ କରିବା ହେବ ଅଧିକ ସହଜ ଓ ସୁରକ୍ଷିତ । ରିଜର୍ଭ ବ୍ୟାଙ୍କ ଅଫ୍‌ ଇଣ୍ଡିଆ ପକ୍ଷରୁ ଜାନୁଆରୀ ପହିଲାରୁ ଲାଗୁ ହେବାକୁ ଥିବା ଟୋକେନାଇଜେସନ୍‌ ବ୍ୟବସ୍ଥା ।

ଏହି ବ୍ୟବସ୍ଥା ଲାଗୁ ହେବା ପରେ ଏହି ସବୁ ସପିଂ ସାଇଟରୁ କିଣିବା ପାଇଁ ୧୬ ନମ୍ୱର ବିଶିଷ୍ଟ ଆକାଉଣ୍ଟ ନମ୍ୱର ଏବଂ କାର୍ଡ ଏକ୍ସପାଏରୀ ବିବରଣୀ ଦେବାକୁ ପଡ଼ିବନାହିଁ । ଆଉ ଏକ ବିଶେଷ ସୁବିଧା ଏହା ଯେ, ଏହି ପଦ୍ଧତି ଲାଗୁ ହେବା ପରେ ସିଭିଭି ନମ୍ୱରର ମଧ୍ୟ ଆବଶ୍ୟକତା ପଡ଼ିବନାହିଁ । ଏହି ନୂଆ ଟୋକେନାଇଜେସନ୍‌ ବ୍ୟବସ୍ଥା ଦ୍ୱାରା ଶୀଘ୍ର ଏବଂ କଣ୍ଟକ୍ଟଲେସ୍‌ ପଦ୍ଧତିରେ ଟଙ୍କା ନେଣଦେଣ ଆହୁରି ସୁଗମ ହୋଇପାରିବ ।

ଟୋକେନାଇଜେସନ୍‌ ବ୍ୟବସ୍ଥାରେ ଗ୍ରାହକଙ୍କୁ ଏକ ଟୋକେନ୍‌ କାର୍ଡ କିମ୍ୱା ଟୋକେନ ନମ୍ୱର ଦିଆଯିବ । ଯାହାକୁ ବ୍ୟବହାର କରି ସୁରକ୍ଷିତ ଭାବେ ଗ୍ରାହକ ଜଣଙ୍କ ଆବଶ୍ୟକୀୟ ସାମଗ୍ରୀ ନିଜ ପସନ୍ଦର ସାଇଟ୍‌ରୁୁ ଘରେ ବସି କିଣିପାରିବେ । ଏହା ଦ୍ୱାରା ଗ୍ରାହକଙ୍କ ବ୍ୟକ୍ତିଗତ ତଥ୍ୟ ଗୋପନ ରହିବ ଏବଂ କିଣାକିଣିକୁ ଆହୁରି ସହଜ ଓ ସରଳ କରିବ ।

ଆରବିଆଇର ଏହି ଟୋକେନାଇଜେସନ୍‌ ବ୍ୟବସ୍ଥା ଲାଗୁ ହେବା ପରେ ଅନ୍‌ଲାଇନ୍‌ ସେବା ପ୍ରଦାନକାରୀ ଏବଂ ସପିଂ ସାଇଟ୍‌ ଆପଣ ପ୍ରଦାନ କରିଥିବା ତଥ୍ୟକୁ ରଖିପାରିବେନାହିଁ । ଏଭଳି କି ପୂର୍ବରୁ କିଣିବା ସମୟରେ ଆପଣ ଭରିଥିବା ଆକାଉଣ୍ଟ ଡିଟେଲ୍ସ, ଠିକଣା ଆଦି ତଥ୍ୟକୁ ମଧ୍ୟ ସଂରକ୍ଷିତ କରି ରଖିପାରିବେନାହିଁ । ଟୋକେନାଇଜଡ କାର୍ଡକୁ ଆପଣଙ୍କ ବ୍ୟାଙ୍କ ପକ୍ଷରୁ ପ୍ରଦାନ କରାଯବ । ଏବଂ ଏହାର ବ୍ୟବହାର ବେଳେ ପୃଥକ ଇଣ୍ଟରଫେସ୍‌ ଖୋଲିବ । ଏବଂ ସେହି ଇଣ୍ଟରଫେସ୍‌ ମାଧ୍ୟମରେ ନିଜ ବିଲ୍‌ ପୈଠ କରିପାରିବେ । ଉପଭୋକ୍ତା ଜଣଙ୍କ ଚାହିଁଲେ ସେହି ଟୋକେନକୁ ଯେ କୌଣସି ସମୟରେ ଡିଲିଟ କରିଦେଇପାରିବେ ।

Leave A Reply

Your email address will not be published.