ମହଙ୍ଗା ମାଡ଼ ଜାରି: ପନି ପରିବା ପରେ ଏବେ ବଢ଼ିଲା ଚିନି, କ୍ଷୀର ଓ ଚା’ପତିର ଦର

ନୂଆଦିଲ୍ଲୀ: ଚା’ ପିଇବାରେ ରୁଚି ରଖୁଥିବା ଲୋକଙ୍କ ଉପରେ ମହଙ୍ଗା ମାଡ଼ । ଏଣିକି ଚା’ ପିଇବା ପାଇଁ ଆପଣଙ୍କୁ ଦେବାକୁ ପଡ଼ିବ ଅଧିକ ଟଙ୍କା । ଚଳିତ ମାସରେ କ୍ଷୀର, ଚିନି ଓ ଚା’ ପତି ଦର ବଢ଼ିବା ପରେ ଏହି ଆଶଙ୍କା ସୃଷ୍ଟି ହୋଇଛି । ପୂର୍ବରୁ ପନି ପରିବା ଦର ବୃଦ୍ଧି ନେଇ ଲୋକେ ହଇରାଣ ହେଉଥିବା ବେଳେ ଏବେ ପୁଣି ଏହି ନିତ୍ୟ ବ୍ୟବହାର୍ଯ୍ୟ ସାମଗ୍ରୀର ମଧ୍ୟ ଦର ବୃଦ୍ଧି ଘଟିଛି । ଯାହା ସାଧାରଣ ଲୋକଙ୍କ ମୁଣ୍ଡ ବ୍ୟଥା ବଢ଼ାଇଛି ।

            ଗ୍ରାହକ ମନ୍ତ୍ରାଳୟର ଓ୍ୱେବସାଇଟରେ ଦିଆଯାଇଥିବା ଦର ଚାର୍ଟ ଅନୁଯାୟୀ ଖୁଚୁରା ବଜାରରେ ୩୦ ନଭେମ୍ୱର ସୁଦ୍ଧା ଚିନିର ମୂଲ୍ୟ ୩୯.୬୮ ପଇସା ରହିଥିବା ବେଳେ, ୭ ଡିସେମ୍ୱର ଯାଏଁ ଏହା ବଢ଼ି ୪୩ଟଙ୍କା ୩୮ ପଇସାରେ ପହଞ୍ଚିଛି । ଏଥିସହିତ ଚା’ ପତିର ଦରରେ ୧୧ଟଙ୍କା ୫୭ ପଇସାର ବୃଦ୍ଧି ଘଟିଛି । ଚା’ ପତିର ଦର ୨୩୮.୪୨ ପଇସାରୁ ୨୬୬ ଟଙ୍କାକୁ ବୃଦ୍ଧି ହୋଇଛି । ଏହି ୨ ସାମଗ୍ରୀ ବ୍ୟତୀତ କ୍ଷୀର ଦରରେ ମଧ୍ୟ ୭ ପ୍ରତିଶତର ବୃଦ୍ଧି ଦେଖିବାକୁ ମିଳିଛି । କ୍ଷୀର ଲିଟର ପିଛା ୪୬.୭୪ ପଇସାରୁ ବଢ଼ି ୫୦ ଟଙ୍କାରେ ପହଞ୍ଚିଛି ।

Leave A Reply

Your email address will not be published.