ଅସ୍ତ୍ର ପୂଜା ପରେ ପଡ଼ୋଶୀଙ୍କୁ ରାଜନାଥଙ୍କ ବାର୍ତ୍ତା: ଭାରତ ଦେବନି ଇଞ୍ଚେ ଜମି, ସେନା କରିବ ରକ୍ଷା

ଦାର୍ଜିଲିଂ: ବିଜୟା ଦଶମୀରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ପଶ୍ଚିମବଙ୍ଗର ଦାର୍ଜିଲିଂ ସୁକନା ଯୁଦ୍ଧ ସ୍ମାରକରେ ଅସ୍ତ୍ର ପୂଜା କରିଛନ୍ତି । ସେ କହିଛନ୍ତି- ଭାରତ ଏଲଏସିରେ ଚୀନ ସହିତ ଶାନ୍ତି ଚାହେଁ, ଲାଗି ରହିଥିବା ଉତ୍ତେଜନା ହ୍ରାସ ଚାହେଁ । ମୋର ପୂରା ବିଶ୍ୱାସ ଅଛି ଆମ ସେନା କୌଣସି ବି ଦେଶକୁ ଗୋଟିଏ ଇଞ୍ଚ୍ ଜମି ବି କବଜା କରିବାକୁ ଦେବେ ନାହିଁ ।

ବିଜୟା ଦଶମୀ ଅବସରରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଦାର୍ଜିଲିଂ ଓ ସିକ୍କିମ୍ ଗସ୍ତରେ ଯାଇଛନ୍ତି । ଦାର୍ଜିଲିଂର ସୁକମା ଯୁଦ୍ଧ ମେମୋରିଆଲରେ ସେ ଅସ୍ତ୍ର ପୂଜା କରିଛନ୍ତି । ଏହି ଅବସରରେ ସ୍ଥଳ ସେନା ଅଧ୍ୟକ୍ଷ ଏମଏନ୍ ନରୱଣେ ଉପସ୍ଥିତ ଥିଲେ । ବିଜୟା ଦଶମୀ ଦିନ ଅସ୍ତ୍ର ପୂଜା ପରମ୍ପରା ରହିଛି ।ମନ୍ତ୍ର ଉଚ୍ଚାରଣ ମଧ୍ୟରେ ଅସ୍ତ୍ର ପୂଜା ପରେ ରାଜନାଥ ସିଂହ କହିଛନ୍ତି- ଏବେ ଭାରତ ଓ ଚୀନ ମଧ୍ୟରେ ଉତ୍ତେଜନା ଲାଗି ରହିଛି । ଭାରତ ଉତ୍ତେଜନା ହ୍ରାସ ଚାହେଁ, ଶାନ୍ତି ଫେରିଆସୁ ଚାହେଁ । କିନ୍ତୁ, କେବେ କେବେ ଏମିତି କିଛି ସ୍ଥିତି ଉପୁଜେ । ମୁଁ ପୂରା ଆଶ୍ୱସ୍ତ ଅଛି, ମୋତେ ପୂରା ଭରସା ଅଛି ଆମ ଯବାନ କୌଣସି ବି ସ୍ଥିତିରେ ଭାରତ ଏକ ଇଞ୍ଚ ଜମି ଅନ୍ୟ କାହାକୁ ଦେବି ନାହିଁ ।

Leave A Reply

Your email address will not be published.