ତନିସ୍କ ବିଜ୍ଞାପନକୁ ନେଇ ବିଗିଡ଼ିଲେ କଙ୍ଗନା‌, ‘ଏଭଳି ଚିନ୍ତାଧାରାଠାରୁ ଲୋକଙ୍କୁ ଦୂରେଇ ରଖିବା ଜରୁରୀ…’

ନୂଆଦିଲ୍ଲୀ: ସୋସିଆଲ ମିଡିଆରେ ଏବେ ତନିସ୍କ କମ୍ପାନୀର ଏକ ବିଜ୍ଞାପନକୁ ନେଇ ଜୋରଦାର୍‌ ସମାଲୋଚନା କରାଯାଉଛି । ଏହି ବିଜ୍ଞାପନ ଲଭ୍‌ ଜିହାଦ୍‌ ଭଳି ଶବ୍ଦକୁ ପ୍ରୋତ୍ସାହିତ କରୁଥିବା ଅଭିଯୋଗ ହୋଇଛି । ସୋସିଆଲ ମିଡିଆରେ ଏହି ବିଜ୍ଞାପନକୁ ଲୋକଙ୍କ ପ୍ରବଳ ବିରୋଧ ପରେ କମ୍ପାନୀ ପକ୍ଷରୁ ହଟାଇ ଦିଆଯାଇଛି । ତେବେ ଏହି ପୁରା ଘଟଣା ଉପରେ ଏବେ ବଲିଉଡ୍‌ କୁଇନ୍‌ କଙ୍ଗନା ରାଣାଓ୍ୱତଙ୍କ ବୟାନ୍‌ ମଧ୍ୟ ସାମ୍ନାକୁ ଆସିଛି । କଙ୍ଗନା ନିଜ ବୟାନରେ ତନିସ୍କର ଏହି ବିଜ୍ଞାପନକୁ ବିରୋଧ କରିଛନ୍ତି ।

ବିଜ୍ଞାପନକୁ ନେଇ କଙ୍ଗନା ଲେଖିଛନ୍ତି ଯେ, ଏହାର କନ୍‌ସେପ୍ଟ ସେତେ ଭୁଲ୍‌ ନ ଥିଲା କିନ୍ତୁ ଏହାର ଉପସ୍ଥାପନା ଅତ୍ୟନ୍ତ ଖରାପ ଥିଲା । ଜଣେ ହିନ୍ଦୁ ମହିଳାଙ୍କ ବିବାହ ମୁସଲମାନ ପରିବାରରେ ହୋଇଛି । ମହିଳା ଜଣକ ଅତ୍ୟନ୍ତ ଧିର ସ୍ୱରରେ ନିଜ ଶାଶୁଙ୍କୁ ପଚାରୁଛନ୍ତି ଯେ, ‘ଏହି ରୀତିନୀତି ତ ଆପଣଙ୍କ ପରିବାରରେ ନାହିଁ ତେବେ କାହିଁକି ଏହାକୁ ପାଳନ କରୁଛନ୍ତି ?’ ସେ ମହିଳା କ’ଣ ସେହି ଘରର ନୁହଁନ୍ତି ? ତାଙ୍କୁ କାହିଁକି ଏଭଳି ପ୍ରଶ୍ନ ପଚାରିବାକୁ ପଡ଼ୁଛି ? କ’ଣ ସେ ତା’ ନିଜ ଘରେ ଚାପଗ୍ରସ୍ତ ହୋଇ ରହୁଛି ? କଙ୍ଗନା ଅନେକ ଦିଗରୁ ତନିସ୍କର ଏହି ବିଜ୍ଞାପନକୁ ନିନ୍ଦା କରିଥିଲେ । ସେ କହିଥିଲେ ଏହା ଅନେକ ଦିଗରୁ ଭୁଲ ପ୍ରଦର୍ଶିତ କରାଯାଇଛି । ମହିଳା ଜଣଙ୍କ ପୂର୍ବରୁ ସେହି ଘରେ ରହୁଥିଲେ ସତ, କିନ୍ତୁ ତାଙ୍କ କୋଳରେ ଘରର ଉତ୍ତରାଧିକାରୀ ଆସିବା ପରେ ବୋହୂର ଦରଜା ଦିଆଗଲା । ଏହା କେବଳ ଲଭ୍‌ ଜିହାଦ୍‌କୁ ପ୍ରୋତ୍ସାହନ କରୁନି ବରଂ ଯୌନ ଶୋଷଣକୁ ମଧ୍ୟ ପ୍ରୋତ୍ସାହିତ କରୁଛି ।ଏହା ବ୍ୟତୀତ କଙ୍ଗନା ହିନ୍ଦୁ ଧର୍ମର ଲୋକଙ୍କୁ ସତର୍କ ମଧ୍ୟ କରାଇଛନ୍ତି । ସେ କହିଛନ୍ତି ଜଣେ ହିନ୍ଦୁ ଭାବେ ଆମେ ନିଜକୁ ଆତଙ୍କବାଦୀଙ୍କ ଏଭଳି ଅନ୍ଦାଜରୁ ଦୂରେଇ ରଖିବା । ଯେଉଁମାନେ ଆମ ମନରେ ଏଭଳି ପରିବର୍ତ୍ତନ ଆଣିବାକୁ ଚେଷ୍ଟା କରୁଛନ୍ତି ସେମାନଙ୍କୁ ସମାଜଠାରୁ ଦୂରେଇ ରଖିବା ନିହାତି ଜରୁରୀ ।

Leave A Reply

Your email address will not be published.