ସୋସିଆଲ ମିଡିଆରେ ଭାଇରାଲ ହେଲା ବାବାଙ୍କ ଢାବା:କାଲି କାନ୍ଦୁଥିଲେ, ଆଜି ହସିଲେ

ନୂଆଦିଲ୍ଲୀ: କମାଲ କରୁଛି ସୋସିଅଲ ମିଡିଆ । ଚୁଟକୀରେ ସମାଧାନ ହେଉଛି ସମସ୍ୟା । କିଛି ଲାକଙ୍କ ପାଇଁ ଦେବଦୂତ ସାଜିଛନ୍ତି ସୋସିଅଲ ମିଡିଆ ୟୁଜର । ସାହାଯ୍ୟ ଲୋଡ଼ୁଥିବା ଲୋକଙ୍କ ପାଇଁ ସମାଧାନର ରାସ୍ତା ବାହାର କରିବାରେ ଟିକେ ମଧ୍ୟ ବିଳମ୍ବ କରୁନାହାଁନ୍ତି । ଏମାନଙ୍କ ପାଇଁ ଦୁଃଖି ମୁହଁରେ ହସ ଫୁଟି ପାରୁଛି ।


ନିକଟରେ ଦକ୍ଷିଣ ଦିଲ୍ଲୀର ମାଲବ୍ୟ ନଗରରେ ନଜର ଆସିଛି ସେହିଭଳି ଏକ ଘଟଣା । ସାଙ୍ଗରେ ଧର୍ମପତ୍ନି । ପାଖରେ ଠେଲାଗାଡ଼ି, ଆଉ ସେଥିରେ ରହିଛି ନାନା କିସମର ବ୍ୟଞ୍ଜନ । କିନ୍ତୁ ଗ୍ରାହକଙ୍କର ଦେଖାନାହିଁ । ଘର ଚଳିବ କେମିତି? କିଭଳି ବିକ୍ରି ହେବ ରନ୍ଧା ହୋଇଥିବା ଖାଦ୍ୟ ? ଆଗାମୀ ଦିନରେ ଆଉ କେଉଁଭଳି ସମସ୍ୟାରେ ଗତି କରିବାକୁ ପଡ଼ିବ । ଏମିତି ମନରେ ଅନେକ ପ୍ରଶ୍ନ ଉଙ୍କି ମାରୁଥାଏ, ଆଖିରୁ ଝରିଯାଉଥାଏ ଲୁହ । ଏହି ସମୟର ଭିଡ଼ିଓକୁ କ୍ୟାମେରାରେ କଏଦ କରିଥିଲେ ଜଣେ ବ୍ୟକ୍ତି । ଯାହାକୁ ସେ ସୋସିଅଲ ମିଡିଆରେ ପୋଷ୍ଟ କରିବା ପରେ ଉକ୍ତ ପୋଷ୍ଟ ଭାଇରାଲ ହେବାରେ ଲାଗିଲା । ଅନେକ ଲୋକ ସାହାଯ୍ୟର ହାତ ବଢାଇଲେ । ଏମାନଙ୍କ ମଧ୍ୟରେ ଜଣେ ବିଶିଷ୍ଟ ବ୍ୟକ୍ତିଙ୍କ ନାମ ମଧ୍ୟ ସାମିଲ ରହିଛି । ତେବେ ସବୁଠାରୁ ଖାସ କଥା ହେଉଛି ଏବେ ବାବାଙ୍କ ଢାବାରେ ଭିଡ଼ ଜମୁଛି । ଯେଉଁ କାରଣରୁ ପୁଣିଥରେ ଏକ ଦମ୍ପତ୍ତିଙ୍କ ମୁହଁରେ ହସ ଫୁଟି ପାରିଛି । ଭିଡ଼ିଓକୁ ଏପର୍ଯ୍ୟନ୍ତ ପ୍ରାୟ ୭୨ ହଜାରରୁ ଅଧିକ ଥର ପସନ୍ଦ କରାଯାଥିବା ବେଳେ ୧୦ ଲକ୍ଷରୁ ଅଧିକ ଭ୍ୟୁଜ୍ ମିଳି ସାରିଛି ।

Leave A Reply

Your email address will not be published.