ନୂଆଦିଲ୍ଲୀ : ବଲିଉଡର ଡ୍ରାମା କ୍ୱିନ୍ ରାକ୍ଷୀ ସାୱନ୍ତ କୌଣସି ନା କୌଣସି କାରଣରୁ ସୋସିଆଲ ମିଡିଆରେ ଚର୍ଚ୍ଚାରେ ରହିଥାନ୍ତି । ରାକ୍ଷି ବିଗ୍ ବସ୍ ୧୪ ରେ ନଜର ଆସିବା ଦିନଠାରୁ ପାପାରାଜିଙ୍କ ପ୍ରିୟ ହୋଇଯାଇଛନ୍ତି । ଏଥି ସହିତ ନିକଟରେ ରାକ୍ଷୀଙ୍କ ଏକ ଭିଡିଓ ଇଣ୍ଟରନେଟରେ ଭାଇରାଲ ହେବାରେ ଲାଗିଛି। ଏହି ଭିଡିଓରେ, ରାକ୍ଷୀ ବର୍ଷା ଦେଖି ନାଚିବା ଆରମ୍ଭ କରିଛନ୍ତି, ତାହା ମଧ୍ୟ ପାପାରାଜିଙ୍କ ସାମ୍ନାରେ । ରାକ୍ଷୀ ନିଜେ ମଧ୍ୟ ଗୀତ ଗାଉଥିବାର ନଜର ଆସିଛନ୍ତି। ତାଙ୍କର ଏହିପରି ନାଚିବା ଏବଂ ଗୀତ ଗାଉଥିବାର ଦେଖି ଲୋକମାନେ ଭିଡିଓ ନେବା ଆରମ୍ଭ କରିବାରୁ, ରାକ୍ଷୀ ତାଙ୍କୁ ତୁରନ୍ତ ପଚାରିଛନ୍ତି ତୁମେ କ’ଣ ଦେଖୁଛ?
ଅତ୍ୟଧିକ ଉତ୍ତାପ ମଧ୍ୟରେ ବର୍ଷା ଦେଖି ରାକ୍ଷୀ ସାୱନ୍ତ ଏତେ ଖୁସି ହୋଇ ଯାଇଥିଲେ ଯେ କ୍ୟାମେରାକୁ ଖାତିର ନକରି ନାଚିବାକୁ ଲାଗିଲେ। ନିକଟରେ ରାକ୍ଷୀ ସାୱନ୍ତଙ୍କ ଏକ ଭିଡିଓ ସାମ୍ନାକୁ ଆସିଛି। ଯେଉଁଥିରେ ସେ ପାପାରାଜିଙ୍କ ସହିତ କଥାବାର୍ତ୍ତା କରୁଥିବା ସମୟରେ ବର୍ଷା ହୋଇଛି ଏବଂ ସେ କିଛି ଚିନ୍ତା ନକରି ତୁରନ୍ତ ନାଚିବା ଏବଂ ଗୀତ ଗାଇବା ଆରମ୍ଭ କରିଛନ୍ତି- ‘ଟିପ୍-ଟିପ୍ ବାର୍ସା ପାନି …’ । ଏଥି ସହିତ, ରାକ୍ଷୀଙ୍କ ଏହି ଶୈଳୀକୁ ଦେଖି ସମସ୍ତେ ଭିଡିଓ ସୁଟିଂ କରିବା ଆରମ୍ଭ କରିଛନ୍ତି, ତା’ପରେ ରାକ୍ଷୀ ନାଚ ବନ୍ଦ କରି ପଚାରିଛନ୍ତି – ‘ତୁମେମାନେ କ’ଣ ଦେଖୁଛ?’
ସୋସିଆଲ ମିଡିଆ ୟୁଜରମାନେ ରାକ୍ଷୀଙ୍କ ଏହି ଶୈଳୀକୁ ଖୁବ ପସନ୍ଦ କରୁଛନ୍ତି । ଇଣ୍ଟରନେଟରେ ତାଙ୍କର ବର୍ଷା ଡ୍ୟାନ୍ସ ଭିଡିଓ ଭାଇରାଲ ହେବାରେ ଲାଗିଛି ।